இயக்குநர்களுடன் உருவாகும் 'மொடர்ன் லவ் -சென்னை'

Published By: Ponmalar

09 May, 2023 | 01:48 PM
image

தமிழ் திரையுலகத்தின் முத்திரை பதித்த இயக்குநர்களான பாரதிராஜா, தியாகராஜன் குமாரராஜா, பாலாஜி சக்திவேல், ராஜு முருகன் ஆகியோர்களின் இயக்கத்தில் தயாரான 'மொடர்ன் லவ் -சென்னை' எனும் ஆந்தாலஜி திரைப்படம், அமேசான் ப்ரைம் டிஜிட்டல் தளத்தில் மே மாதம் 18ஆம் திகதியன்று வெளியாகிறது.

அமேசான் பிரைம் டிஜிட்டல் தளத்தில் வெளியாகி உலகம் முழுவதும் பெரும் வரவேற்பை பெற்ற இணைய தொடர் 'மொடர்ன் லவ்'. இந்த இணைய தொடரை ஆந்தாலஜி பாணியிலான இந்திய பதிப்பாக 'மொடர்ன் லவ் -மும்பை', 'மொடர்ன் லவ் -ஹைதராபாத்' என்ற பெயரில் வெளியாகி இருக்கிறது. தற்போது இந்த ஆந்தராலஜி திரைப்படம் 'மொடர்ன் லவ் -சென்னை' எனும் பெயரில் தமிழ் பதிப்பாக வெளியாகவிருக்கிறது.

டைலர் டர்டன் அண்ட் கினோ ஃபிஸ்ட் நிறுவனம் சார்பில் தயாராகும் தயாராகி இருக்கும் இந்த திரைப்படத்தை 'இயக்குநர் இமயம்' பாரதிராஜா, பாலாஜி சக்திவேல், தியாகராஜன் குமாரராஜா, ராஜுமுருகன், கிருஷ்ணகுமார் ராம்குமார், அக்ஷய் சுந்தர் ஆகிய ஆறு இயக்குநர்கள் இயக்கியிருக்கிறார்கள்.

இதில் இடம் பெறும் ஆறு அத்தியாயங்களுக்கு 'லாலாகுண்டா பொம்மைகள்', 'இமைகள்', 'காதல் என்பது கண்ணுல ஹார்ட் இருக்கிற இமோஜி', 'மார்கழி', 'பறவை கூட்டில் வாழும் மான்கள்', 'நினைவோ ஒரு பறவை' என பெயரிடப்பட்டிருக்கிறது.

இந்த திரைப்படத்தில் அசோக் செல்வன், கிஷோர், ரம்யா நம்பீசன், ரித்து வர்மா, வாமிகா, விஜயலட்சுமி, சஞ்சுளா சாரதி, சூ கோய் ஷெங், ஸ்ரீ கிருஷ்ண தயாள், சம்யுக்தா விஸ்வநாதன், பவன் அலெக்ஸ், அனிருத் கனகராஜன், டீஜே, பானு, ஸ்ரீ கௌரி பிரியா, வாசுதேவன் முரளி, வசுந்தரா உள்ளிட்ட பலர் நடித்திருக்கிறார்கள்.

ஆறு அத்தியாயங்களாக இடம்பெறும் இந்த திரைப்படத்திற்கு 'இசை ஞானி' இளையராஜா, 'இளைய இசைஞானி' யுவன் சங்கர் ராஜா, 'இசை அசுரன்' ஜி. வி. பிரகாஷ் குமார், ஷான் ரோல்டன் ஆகியோர் இசையமைத்திருக்கிறார்கள்.

'மொடர்ன் லவ் -சென்னை' எனும் ஆத்தாலஜி திரைப்படத்தில் இடம்பெற்ற ஆறு அத்தியாயங்களிலும் காதல் உணர்வின் நுட்பங்கள், சிக்கல்கள், காதலின் அழகு, மகிழ்ச்சி, பெருமை, நகர கலாச்சாரம் என பல விடயங்கள் ஆய்வு செய்யப்பட்டு, அலச பட்டிருக்கிறது. இதன் காரணமாகவே இந்த திரைப்படத்திற்கு பார்வையாளர்களிடையே பெரும் எதிர்பார்ப்பு எழுந்திருக்கிறது.

முக்கிய செய்திகள்

icon-left
icon-right

தொடர்பான செய்திகள்

news-image

சார்லி குணச்சித்திர வேடத்தில் கலக்கும் 'அரிமாபட்டி...

2024-02-29 19:08:58
news-image

பான் இந்திய திரைப்படமாக உருவாகும் நடிகர்...

2024-02-29 19:05:59
news-image

ஊர்வசி நடிக்கும் 'ஜே. பேபி' படத்தின்...

2024-02-29 19:02:14
news-image

விஜய் சேதுபதி வெளியிட்ட 'அக்காலி' பட...

2024-02-29 18:57:41
news-image

சந்தானம் நடிக்கும் 'இங்க நான் தான்...

2024-02-29 18:54:27
news-image

சீட் எட்ஜ் திரில்லராக உருவாகி இருக்கும்...

2024-02-27 15:11:49
news-image

கல்லூரி இளைஞர்களுக்கான கதை 'போர்'

2024-02-27 14:10:05
news-image

மல்யுத்த வீரராக நிஹார் நடிக்கும் 'ரெக்கார்ட்...

2024-02-26 16:57:52
news-image

நேச்சுரல் ஸ்டார்' நானி' நடிக்கும் 'சூர்யா'ஸ்...

2024-02-26 14:45:53
news-image

ஜீ.வி. பிரகாஷ் குமார் நடிக்கும் 'இடி...

2024-02-26 13:44:48
news-image

வித்தைக்காரன் - விமர்சனம்

2024-02-24 18:35:42
news-image

இயக்குநர் மிஷ்கின் வெளியிட்ட 'டபுள் டக்கர்'...

2024-02-24 18:32:29