தவறவிடாதீர்கள்..!உடனே பதிவு செய்யுங்கள்

நட்சத்திர வாரிசும், இசை கலைஞருமான துருவ் விக்ரம் இயக்கி, நடித்திருக்கும் 'பூமதியே..' எனும் விடியோ இசை அல்பம் வெளியாகி குறுகிய கால அவகாசத்திற்குள் பார்வையாளர்களிடத்தில் பெரும் வரவேற்பை பெற்றிருக்கிறது.

'சீயான்' விக்ரமின் வாரிசும், 'ஆதித்ய வர்மா' எனும் திரைப்படத்தின் மூலம் தமிழ் திரையுலகில் நடிகராக அறிமுகமான துருவ் விக்ரம், தற்போது இயக்குநர் மாரி செல்வராஜ் இயக்கத்தில் தயாராகி வரும் பெயரிடப்படாத படத்தில் கபடி வீரராக நடித்து வருகிறார். இப்படத்தின் படப்பிடிப்பு தொடங்குவதற்கு முன் கிடைத்த ஓய்வு நேரத்தில் தமக்கு விருப்பமான விடியோ அல்பம் உருவாக்குவதில் கவனம் செலுத்தி வருகிறார். ஏற்கனவே 'மனசே' எனும் பெயரில் விடியோ இசை அல்பத்தை இயக்கி நடித்திருக்கும் துருவ், தற்போது 'பூமதியே..' எனும் அல்பத்தை நடித்து, இயக்கி வெளியிட்டிருக்கிறார்.

இந்த விடியோ இசை அல்பத்திற்கு சந்தோஷ் நாராயணன் இசையமைக்க, பாடலை பாடலாசிரியர் விவேக் எழுதியிருக்கிறார். மென்மையான காதல் உணர்வை மையப்படுத்தி உருவாகி இருக்கும் இந்த 'பூமதியே..' பாடலை இயக்கி நடித்திருப்பதன் மூலம் துருவ் விக்ரம் இளைய தலைமுறையினரின் கவனத்தை வெகுவாக கவர்ந்திருக்கிறார்.