தவறவிடாதீர்கள்..!உடனே பதிவு செய்யுங்கள்

2027 ஆம் ஆண்டில் ஆண்களுக்கான உலகக் கிண்ண கூடைப்பந்தாட்டப் போட்டிகளை நடத்தும் உரிமையை கத்தார் பெற்றுள்ளது.

2026 ஆம் ஆண்டின் பெண்களுக்கான உலகக் கிண்ண கூடைப்பந்தாட்டப் போட்டிகளை ஜேர்மனி நடத்தும் எனவும் சர்வதேச கூடைப்பந்தாட்டச் சங்கங்களின் சம்மேளனம் தெரிவித்துள்ளது.

கடந்த வருடம் முதல் தடவையாக உலகக்கிண்ண கால்பந்தாட்டப் போட்டிகளை நடத்திய கத்தார். 2027 முதல் முதல் தடவையாக கூடைப்பந்தாட்ட உலகக் கிண்ணப் போட்டிகளை நடத்தவுள்ளது.

தலைநகர் தோஹாவில் தற்போதுள்ள அரங்குகளில் இப்போட்டிகள் நடைபெறும் எனத் தெரிவிக்கப்பட்டுள்ளது.

இவ்வருட உலகக் கிண்ண கூடைப்பந்தாட்டப் போட்டிகள் எதிர்வரும் ஆகஸ்ட் 25 முதல் செப்டெம்பர் 10 ஆம்  திகதிவரை நடைபெறவுள்ளன. 

பலிப்பைன்ஸ், இந்தோனேஷியா, ஜப்பான் ஆகியன இப்போட்டிகளை கூட்டாக நடத்துகின்றன. இவ்வருட உலகக் கிண்ணப்; போட்டிகளில் பங்குபற்றவுள்ள 32 நாடுகளில் கத்தார் இடம்பெறவில்லை.