தவறவிடாதீர்கள்..!உடனே பதிவு செய்யுங்கள்

சூடானிலிருந்து வெளியேறிய, 50 நாடுகளைச் சேர்ந்த 1,687 பேருடன் வந்த கப்பல், இன்று புதன்கிழமை சவூதி அரேபியாவை அடைந்துள்ளதாக சவூதி வெளிவிவகார அமைச்சு தெரிவித்துள்ளது.

சவூதி அரேபியாவினால் மேற்கொள்ளப்பட்ட மிகப் பெரிய மீட்பு நடவடிக்கை இதுவாகும்.

சவூதி அரேபியாவின் கப்பல் ஒன்றினால், இவர்கள் ஏற்றிவரப்பட்டனர். வெளிநாட்டவர்கள் புறப்படுவதற்குத் தயார்படுத்தல்களுக்கான  அடிப்படை வசதிகள் சவூதி அரேபியாவினால் வழங்கப்பட்டன என சவூதி அரேபிய வெளிவிவகார அமைச்சு விடுத்த அறிக்கையில் தெரிவிக்கப்பட்டுள்ளது.

சூடான் ஆயுதப் படைகளுக்கும் (எஸ்.ஏ.எவ்), ஆர்எஸ்எவ் எனும் துணை இராணுவப் படையினருக்கும் இடையில் கடந்த 15 ஆம் திகதி முதல் கடும் மோதல்கள் இடம்பெறுகின்றன,

10 நாட்கள் நடைபெற்ற இம்மோதல்களில்  459 இற்கும் அதிகமானோர் கொல்லப்பட்டுள்ளதுடன் 4000 இற்கும் அதிகமானோர் காயமடைந்துள்ளனர் என ஐநா முகவரகங்கள் தெரிவித்துள்ளன.