தவறவிடாதீர்கள்..!உடனே பதிவு செய்யுங்கள்

ஜனநாயக செயற்பாடுகளுக்கு ஊடக சுதந்திரம் எந்தளவுக்கு அவசியமானது என்பதை அழுத்தம் திருத்தமாக மத்திய அரசுக்கு உணர்த்தியுள்ளது இந்திய உச்ச நீதிமன்றம். அரசாங்கத்தை ஊடகங்கள் விமர்சிப்பதை தேசவிரோதமாகக் கொள்ள முடியாது என்ற உறுதியான தீர்ப்பொன்றை வழங்கியதன் மூலம் கருத்துத் சுதந்திரத்துக்கு வலு சேர்க்கப்பட்டுள்ளது. இம்மாதம் 5 ஆம் திகதி இந்த முக்கியத்துவமான தீர்ப்பு வழங்கப்பட்டுள்ளது. தொடர் புத்தாண்டு விடுமுறைகள் காரணமாக இந்த தீர்ப்பு குறித்த செய்திகளை பரவலாக இந்திய ஊடகங்களும் கையாண்டிருக்கவில்லை. ஆனால் இந்த தீர்ப்பு கேரள மாநிலத்தில் மாத்திரமல்லாது தேசிய அளவிலும் குறிப்பிடத்தக்க மாற்றங்களை ஊடக பரப்பில் ஏற்படுத்தும் என்று கூறப்படுகின்றது.