தவறவிடாதீர்கள்..!உடனே பதிவு செய்யுங்கள்

இந்திய பெருங்கடல் பிராந்திய இராஜதந்திர மோதல்களில் இலங்கையும் பல்வேறு நெருக்கடிகளை எதிர்கொள்வது வழமையானதாகியுள்ளது. இதனை வழமை என்பதை விட இலங்கையின் புவியியல் அமைவு, ஆழமான துறைமுக கட்டமைப்புகள் எனலாம். இரண்டாம் உலக யுத்தம் வரை இந்திய பெருங்கடலில் தந்திரோபாய முக்கியத்துவத்தை வழங்கிய ஒரு தீவு நாடாகவே இலங்கை திகழ்கிறது. எனவே, இந்த புவியியல் அமைவும் பிராந்தியத்தில் காணப்படக்கூடிய வல்லரசு நாடுகளுக்கு இடையிலான போட்டிகளும் இலங்கைக்கு நெருக்கடிகளை எப்போதும் கொடுப்பதாகவே அமைகிறது. குறிப்பாக, சீனா மற்றும் இந்தியா ஆகிய இரு நாடுகளுமே இலங்கையுடன் நெருக்கமான நட்புறவை கொண்டுள்ள நாடுகளாகும். ஆனால், அந்த நாடுகளுக்கு இடையில் காணப்படக்கூடிய போட்டி நிலைகள் எப்போதும் இலங்கையை நெருக்குதல்களுக்கு தள்ளிவிடுகின்றன.