தவறவிடாதீர்கள்..!உடனே பதிவு செய்யுங்கள்

தமிழ் திரைத்துறையிலேயே நட்சத்திர நடிகர்களில் நிலையான சந்தை மதிப்பு கொண்ட நடுத்தர வர்க்க நடிகர்களில் முதன்மையானவர் வைபவ். இவர் நடிக்கும் 25வது படத்துக்கு 'ரணம்' என பெயரிடப்பட்டு, அதன் முதல் பார்வை போஸ்டர் வெளியிடப்பட்டிருக்கிறது.

ஷெரிப் இயக்கத்தில் தயாராகும் 'ரணம்' படத்தில் வைபவ் கதையின் நாயகனாக நடிக்கிறார். இவருடன் நந்திதா ஸ்வேதா, தான்யா ஹோப், சரஸ்வதி மேனன், சுரேஷ் சக்கரவர்த்தி உள்ளிட்ட பலர் நடித்திருக்கிறார்கள். 

பாலாஜி கே. ராஜா ஒளிப்பதிவு செய்திருக்கும் இந்த படத்துக்கு ஆரோல் கொரோலீ இசையமைத்திருக்கிறார். அக்ஷன் என்டர்டெய்னராக தயாராகியிருக்கும் இந்த படத்தை மிதுன் மித்ரா புரொடக்ஷன்ஸ் பட நிறுவனம் சார்பில் மது நாகராஜன் தயாரித்திருக்கிறார்.

இப்படத்தின் முதல் பார்வை போஸ்டரில் வைபவ், முகத்தில் தாடியுடன் வயதான தோற்றத்தில் தோன்றுவதாலும், படத்தின் டைட்டிலுடன் 'அறம் தவறேல்' என டேக்லைன் இணைக்கப்பட்டிருப்பதாலும் பெரும் எதிர்பார்ப்பை ஏற்படுத்தியிருக்கிறது.