தவறவிடாதீர்கள்..!உடனே பதிவு செய்யுங்கள்

இலங்கையில் காணப்படும் சில வகை குரங்குகளை  சீனாவிற்கு ஏற்றுமதி செய்வதற்கான வழிவகைகள் குறித்து ஆராய்வதற்காக அரசாங்கம் குழுவொன்றை நியமித்தமை குறித்து சூழல் விவகாரங்களிற்கான சட்டத்தரணி கலாநிதி ஜகத் குணவர்த்தன கேள்வி எழுப்பியுள்ளார்.

இலங்கையில் மாத்திரம் சில வகை குரங்குகள் காணப்படுகின்றன என அவர் தெரிவித்துள்ளார்.

இந்த வகை குரங்குகளே பயிர்ச்செய்கைக்கு  பாதிப்பை ஏற்படுத்துகின்றன என்றால் இது குறித்த தீர்மானங்களை விஞ்ஞான அடிப்படையில் எடுக்கவேண்டும் என அவர் தெரிவித்துள்ளார்.

பயிர்களிற்கு பாதிப்பு ஏற்படுவதை தடுப்பதற்காக குரங்களை வெளிநாட்டிற்கு ஏற்றுமதி செய்வது என்ற முடிவை சாதாரணமாக எடுக்க முடியாது எனவும் அவர் தெரிவித்துள்ளார்.

ஏற்றுமதி செய்யப்படும் குரங்குகள் என்ன அடிப்படையில் தெரிவு செய்யப்படும் சீனாவில் அவைகளிற்கு உகந்த காலநிலை காணப்படுமா? போன்ற விடயங்கள் குறித்து முதலில் ஆராய வேண்டும் என அவர் தெரிவித்துள்ளார்.

சீனாவின் உயிரியல் பூங்காவிற்கு கூட ஏன் இவ்வளவு பெருந்தொகை குரங்குகள் தேவை என்ற கேள்வி எழுந்துள்ளது என தெரிவித்துள்ள அவர் தற்போதைய சட்டப்படி சூழல் பாதுகாப்பு நோக்கங்களிற்காக மாத்திரம் விலங்குகளை ஏற்றுமதி செய்ய முடியும் எனவும் தெரிவித்துள்ளார்.

மாமிசத்திற்காக குரங்குகளை ஏற்றுமதி செய்ய முடியாது விஞ்ஞான ஆராய்ச்சிக்காக ஏற்றுமதி செய்ய முடியாது எனவும் அவர் தெரிவித்துள்ளார்.