தவறவிடாதீர்கள்..!உடனே பதிவு செய்யுங்கள்

போலியான தகவல்களுடன்  தயாரிக்கப்பட்ட  பஹாமாஸ்  தீவுக்குச் சொந்தமான கடவுச்சீட்டைப் பயன்படுத்தி இலங்கைக்குள் பிரவேசிக்க முயன்ற நைஜீரிய பிரஜை ஒருவர்  நேற்று (10) கட்டுநாயக்க விமான நிலைய குடிவரவு குடியகல்வுத் திணைக்கள அதிகாரிகளால் கைது செய்யப்பட்டார். 

31 வயதுடைய நைஜீரிய பிரஜையான இவர், நைஜீரியாவில் இருந்து லைபீரியாவுக்கும் அங்கிருந்து மொராக்கோவுக்கும் சென்றுள்ளார். 

அதன் பின்னர் நேற்று மாலை 4.20 மணியளவில் கத்தார் ஏர்வேஸ் விமானம் KR-654 மூலம் கட்டுநாயக்க விமான நிலையத்தை வந்தடைந்தார்.

அவர் விமான நிலையத்தை வந்தடைந்த  நிலையில் அவரது கடவுச் சீட்டை பரிசோதித்தபோது  அது  போலியானது என உறுதி செய்யப்பட்டது.

 இதனையடுத்து  விசாரணைகள் மேற்கொள்ளப்பட்டு  அவரை நாடு கடத்த நடவடிக்கை எடுக்கப்பட்டுள்ளமை குறிப்பிடத்தக்கது.