தவறவிடாதீர்கள்..!உடனே பதிவு செய்யுங்கள்

(எம்.நியூட்டன்)

யாழ் மாவட்ட செயலகம் நடாத்தும் ‘யாழ் பாரம்பரிய உணவுத்திருவிழா 2023’ என்னும் நிகழ்வு எதிர்வரும் சனி (15) மற்றும் ஞாயிறு (16) ஆகிய தினங்களில் இடம்பெறவுள்ளது.

யாழ்ப்பாணம், பண்ணை சுற்றுவட்டத்தில் குறித்த உணவுத்திருவிழா நடைபெறவுள்ளதாக யாழ் மாவட்ட செயலகம் தெரிவித்துள்ளது.

இந் நிகழ்வில் மக்கள் அனைவரையும் பங்குபற்றி பாரம்பரிய உணவுவகைகளை ருசித்து பாரம்பரிய இசையை கேட்டு மகிழுமாறு யாழ் மாவட்ட செயலகம் கேட்டுக் கொண்டுள்ளது.

யாழ் மக்களிடையே அருகிவரும் பாரம்பரிய உணவுப்பழக்கத்தை மேம்படுத்தி ஆரோக்கியமான சமுதாயத்தை உருவாக்கவும், உணவுத்துறை முயற்சியாளர்களின் உற்பத்தி பொருட்களை சந்தைக்கு அறிமுகப்படுத்தி, அவற்றிற்கான சந்தை வாய்ப்பை பெற்றுக் கொடுக்கும் நோக்கில் இந்த உணவுத் திருவிழா ஏற்பாடு செய்யப்பட்டுள்ளமை குறிப்பிடத்தக்கது.