தவறவிடாதீர்கள்..!உடனே பதிவு செய்யுங்கள்

இலங்கையில் நான்கு தசாப்தங்களுக்கும் அதிகமான காலமாக நடைமுறையில் இருந்துவரும் பயங்கரவாத தடைச் சட்டத்துக்கு பதிலாக ஜனாதிபதி ரணில் விக்ரமசிங்கவின் அரசாங்கம் கொண்டுவரவிருக்கும் பயங்கரவாத எதிர்ப்புச்சட்டம் (Anti Terrorism Bill) பயங்கரவாதம் என்பதற்கு மிகவும் விசாலமான வியாக்கியானத்தை கொடுத்திருக்கிறது. இது தொடர்பில் இப்போது தீவிரமான வாதப்பிரதிவாதங்கள் மூண்டிருக்கின்றன. பயங்கரவாதத்துக்கு வரைவிலக்கணம் வகுப்பது என்பது உண்மையில் ஒரு சர்வதேச பிரச்சினை. பயங்கரவாதம் என்றால் என்ன என்பது தொடர்பில் ஐக்கிய நாடுகள் சபையினால் கூட இதுவரையில் உலகளாவிய கருத்தொருமிப்பை காணமுடியவில்லை. ஒருவரால் பயங்கரவாதியாக நோக்கப்படுபவர், இன்னொருவரினால் விடுதலை போராளியாக நோக்கப்படுவார் என்பது யாவரும் அறிந்ததே.