தவறவிடாதீர்கள்..!உடனே பதிவு செய்யுங்கள்

குற்றப் புலனாய்வுத் திணைக்களத்தினால் தடுப்புக்  காவலில் வைக்கப்பட்டுள்ள குடு சலிந்துவின் உயிரைப் பாதுகாக்கக் கோரி தாக்கல் செய்யப்பட்டுள்ள அடிப்படை உரிமை மீறல் மனுவை எதிர்வரும் ஜூன் மாதம் 21 ஆம் திகதி பரிசீலிக்க உயர் நீதிமன்றம் உத்தரவிட்டுள்ளது.

இந்த மனு இன்று (6) பிரதம நீதியரசர் ஜயந்த ஜயசூரிய தலைமையிலான மூவரடங்கிய உச்ச நீதிமன்ற அமர்வு முன்னிலையில் விசாரணைக்கு எடுத்துக்கொள்ளப்பட்டபோதே இந்த உத்தரவு பிறப்பிக்கப்பட்டது.

மடகஸ்காரில் கைது செய்யப்பட்டு தற்போது குற்றப் புலனாய்வுப் பிரிவினரின் தடுப்புக் காவலில் வைக்கப்பட்டுள்ள குடு சலிந்துவின் உயிருக்கு பாரிய ஆபத்து உள்ளதாக உரிய மனுவில் குறிப்பிடப்பட்டுள்ளது.

இதனடிப்படையில், அவரது உயிருக்கு பாதுகாப்பை உறுதி செய்ய குற்றப் புலனாய்வு திணைக்களத்துக்கு  உத்தரவு பிறப்பிக்குமாறு கோரியே இந்த  மனு தாக்கல் செய்யப்பட்டுள்ளது.