தவறவிடாதீர்கள்..!உடனே பதிவு செய்யுங்கள்

பாகிஸ்தானின் கராச்சி நகரில் நேற்று­முன்தினம் ஏற்பட்ட சனநெரிசலினால் குறைந்தபட்சம் 12 பேர் உயிரிழந்துள்ளனர். 

புனித ரமழான் நோன்பு காலத்தை முன்­னிட்டு தனியார் நிறுவனமொன்றினால் வழங்­கப்பட்ட நன்கொடைப் பொருட்­களைப் பெறுவதற்காக நூற்றுக்கணக்­கானோர் காத்திருந்த போது இந்த சன­­நெரிசல் ஏற்பட்டது. 9 பெண்களும் 3 சிறார்­களுமே இவ்வாறு உயிரிழந்துள்ளனர் என பொலிஸார் தெரிவித்துள்ளனர்.

சுமார் 600- – 700 பேர் இவ்வாறு காத்தி­ருந்­தனர் என உள்ளூர் அதிகாரி ஒருவர் கூறி­யுள்ளார். 

பிரதான வாயில் திறக்கப்பட்டவுடன் அனைவரும் முண்டியத்து ஓட ஆரம்­பித்ததால் சனநெரிசல் ஏற்பட்டதாக யுவதி ஒருவர் கூறியுள்ளார். இவரின் சகோதரியும் இச்சம்பவத்தில் உயிரிழந்துள்ளார்.