தவறவிடாதீர்கள்..!உடனே பதிவு செய்யுங்கள்

அமெரிக்காவின் முன்னாள் ஜனாதிபதி டொனால்ட் டிரம்ப் கைவிலங்கிடப்பட்ட நிலையில் நீதிமன்றில் ஆஜராகமாட்டார் என அதிகாரியொருவர் தெரிவித்துள்ளார்.

டொனால்ட் டிரம்ப் செவ்வாய்கிழமை நீதிமன்றின் முன்னிலையில் ஆஜராகவுள்ளார்.

முன்னாள் ஜனாதிபதி தனது சொந்த விமானத்தில் புளோரிடாவிலிருந்து புறப்பட்டு தனது பாதுகாப்பிற்காக காத்திருக்கும் எவ்பிஐ அதிகாரிகளிடம் தன்னை ஒப்படைப்பார் என தகவல்கள் வெளியாகியுள்ளன.

இந்த நடவடிக்கைகளிற்காக 100க்கும்மேற்பட்ட இரகசிய சேவைபிரிவினர் பயன்படுத்தப்படுவார்கள் என பெயர் குறிப்பிடவிரும்பாத அதிகாரியொருவர் தெரிவித்துள்ளார்.

டிரம்பிற்கு கைவிலங்கிடமாட்டார்கள் என தெரிவித்துள்ள அதிகாரியொருவர் ஆபத்தான கைதிகளிற்கு மாத்திரம் கைவிலங்கிடப்படுவதாக குறிப்பிட்டுள்ளார்.