தவறவிடாதீர்கள்..!உடனே பதிவு செய்யுங்கள்

(எம்.எம்.சில்வெஸ்டர்)

கூரிய ஆயுதத்தால் தாக்கப்பட்டதால் படுகாயமடைந்த 34 வயதுடைய ஆணொருவர் யாழ்ப்பாணம் வைத்தியசாலையில் அனுமதிக்கப்பட்டு அவசர சிகிச்சைப் பிரிவில் சிகிச்சைப் பெற்று வருவதாக பொலிஸார் தெரிவிக்கின்றனர்.

கோப்பாய் பொலிஸ் பிரிவுக்குட்பட்ட இருபலை பகுதியில் இடம்பெற்ற மேற்படி சம்பவமானது, நீதிமன்ற வழக்கு விசாரணை நடவடிக்கையின் காரணமாக ஏற்பட்ட வாய்த்தகராறு முற்றியதில் காயமடைந்தவர் கூரிய ஆயுதத்தால் தாக்கப்பட்டுள்ளதாக பொலிஸார் நடத்திய முதற் கட்ட விசாரணையில் தெரியவந்துள்ளது.

காயமடைந்தவர் 34 வயதான மடத்தடி பிர‍தேசத்தைச் சேர்ந்தவரென்றும், இந்த சம்பவம் தொடர்பாக அதே பிரதேசத்தைச் சேர்ந்த 32 வயதுடைய ஆணொருவரும் பொலிஸாரால் கைது செய்யப்பட்டுள்ளார்.

மேலதிக விசாரணைகளை கோப்பாய் பொலிஸார் முன்னெடுத்து வருகின்றனர்.