தவறவிடாதீர்கள்..!உடனே பதிவு செய்யுங்கள்

'மாஸ்டர்' படத்தின் மூலம் பிரபலமான மாஸ்டர் மகேந்திரன் கதையின் நாயகனாக முதன்மையான வேடத்தில் நடித்திருக்கும் 'ரிப்பப்பரி' எனும் திரைப்படத்தின் வெளியீட்டு திகதி அதிகாரப்பூர்வமாக அறிவிக்கப்பட்டிருக்கிறது.

அறிமுக இயக்குநர் நா. அருண் கார்த்திக் இயக்கத்தில் தயாராகி இருக்கும் திரைப்படம் 'ரிப்பப்பரி'. இதில் மாஸ்டர் மகேந்திரன் கதையின் நாயகனாக நடிக்க, அவருக்கு ஜோடியாக நடிகை காவியா அறிவுமணி நடித்திருக்கிறார்.

இவர்களுடன் மாரி, நோபல் ஜேம்ஸ், ஸ்ரீனி உள்ளிட்ட பலர் நடித்திருக்கிறார்கள். தளபதி ரத்தினம் ஒளிப்பதிவு செய்திருக்கும் இந்த திரைப்படத்திற்கு துவாரகா தியாகராஜன் இசையமைத்திருக்கிறார்.

ஃபேண்டஸி திரில்லர் ஜேனரில் தயாராகி இருக்கும் இந்த திரைப்படத்தை ஏ கே தி டாக்ஸ் மேன்  எனும் பட நிறுவனம் சார்பில் இயக்குநர் நா. அருண் கார்த்திக் தயாரித்திருக்கிறார்.

இந்தப் படத்தின் படப்பிடிப்பு நிறைவடைந்து இறுதி கட்ட பணிகள் விறுவிறுப்பாக நடைபெற்று வருகிறது. இப்படத்தின் ஃபர்ஸ்ட் லுக் மற்றும் சிங்கிள் ட்ராக் வெளியாகி பெரும் வரவேற்பை பெற்று வரும் நிலையில், தற்போது வெளியீட்டு திகதி  அதிகாரப்பூர்வமாக அறிவிக்கப்பட்டிருக்கிறது. அந்த வகையில் தமிழ் புத்தாண்டு தினமான ஏப்ரல் 14ஆம் திகதியன்று படமாளிகையில் வெளியாகிறது.