தவறவிடாதீர்கள்..!உடனே பதிவு செய்யுங்கள்

(செய்திப்பிரிவு)

பாராளுமன்றத்தின் 17ஆவது சபாநாயகராக பதவி வகித்த ஜோசப் மைக்கல் பெரேரா செவ்வாய்க்கிழமை (28) தனது 82 ஆவது வயதில் காலமானார்.

2001 டிசம்பர் முதல் 2004 பெப்ரவரி வரை அவர் சபாநாயகராக பதவி வகித்துள்ளார். 1941 செப்டெம்பர் 15ஆம் திகதி பிறந்த அவர் 1964 இல் ஜா-எல நகரசபை உறுப்பினராக தெரிவு செய்யப்பட்டு தனது அரசியல் பயணத்தை ஆரம்பித்திருந்தார்.

1964-1967 ஜா-எல நகர சபைக்கு உறுப்பினராக பணியாற்றிய அவர் , 1967-1970 ஜா-எல நகர சபையின் உப தலைவராக நியமனம் பெற்றார்.

1970-1971 ஜா-எல நகர சபையின் தலைவராக நியமிக்கப்பட்டார். 1971-1976 ஐக்கிய தேசிய கட்சியின் தலைமை அமைப்பாளராக செயற்பட்டிருந்தார்.

1976 -1977 முதல் தேசிய மாநில சட்டசபைக்கு பாராளுமன்ற உறுப்பினராக தேர்ந்தெடுக்கப்பட்டார். 1977-1978 இரண்டாவது தேசிய மாநில சட்டசபைக்கு பாராளுமன்ற உறுப்பினராக தேர்ந்தெடுக்கப்பட்டார்.

1978-1988 இலங்கை ஜனநாயக சோசலிசக் குடியரசின் முதலாவது பாராளுமன்றத்திற்கு பாராளுமன்ற உறுப்பினராக தெரிவு செய்யப்பட்டார்.