தவறவிடாதீர்கள்..!உடனே பதிவு செய்யுங்கள்

நடிகர் அனந்த் நாக் கதையின் நாயகனாக நடித்திருக்கும் 'தலைக்கவசமும் நான்கு நண்பர்களும்' எனும் திரைப்படத்தின் முன்னோட்ட ம் வெளியிடப்பட்டிருக்கிறது. இதனை இயக்குநரும், நடிகருமான எஸ்.ஏ. சந்திரசேகர் வெளியிட்டிருக்கிறார்.

இயக்குநர் வி. எம். ரத்தினவேல் இயக்கத்தில் தயாராகி இருக்கும் திரைப்படம் ' தலைக்கவசமும் நான்கு நண்பர்களும்'. இதில் அனந்த் நாக் கதையின் நாயகனாக நடிக்க, அவருக்கு ஜோடியாக ஸ்வேதா டோரத்தி நடித்திருக்கிறார்.

இவர்களுடன் நடிகை ரேணுகா பதுளா, ஓ எ கே சுந்தர், கே எஸ் ஜி வெங்கடேஷ், தளபதி தினேஷ், செந்தில்குமாரி உள்ளிட்ட பலர் நடித்திருக்கிறார்கள்.

சீனு ஆதித்யா ஒளிப்பதிவு செய்திருக்கும் இந்த திரைப்படத்திற்கு ராஜ் பிரதாப் இசையமைத்திருக்கிறார். தலை கவசத்தை மையப்படுத்தி திரில்லர் ஜேனரில் தயாராகி இருக்கும் இந்த திரைப்படத்தை டீம் புரொடக்ஷன்ஸ் என்று பட நிறுவனம் சார்பில் இயக்குநர் வி. எம். ரத்தினவேல் தயாரித்திருக்கிறார்.

இப்படத்தின் ஃபர்ஸ்ட் லுக், டீசர் ஆகியவை வெளியாகி பெரும் வரவேற்பை பெற்றது. இந்த திரைப்படம் எதிர்வரும் ஏப்ரல் மாதம் ஏழாம் திகதி என்று உலகம் முழுவதும் படமாளிகையில் வெளியாகிறது.

இந்நிலையில் இப்படத்தின் முன்னோட்டம் வெளியிடப்பட்டிருக்கிறது. இந்த முன்னோட்டத்தில் இடம் பெற்றிருக்கும் எக்சன் காட்சிகளும், சஸ்பென்ஸ் காட்சிகளும் ரசிகர்களிடம் எதிர்பார்ப்பை ஏற்படுத்தி இருக்கிறது.