தவறவிடாதீர்கள்..!உடனே பதிவு செய்யுங்கள்

மட்டக்களப்பு காந்தி பூங்காவுக்கு அருகிலுள்ள வாவியில் பெண்ணொருவர் சடலமாக நேற்று (26) மீட்கப்பட்டுள்ளதாக மட்டக்களப்பு தலைமையக பொலிஸார் தெரிவித்துள்ளனர்.

இந்த வாவியில் பெண்ணொருவரின் சடலம் நீரில் மிதப்பதை கண்டு பொதுமக்கள் பொலிஸாருக்கு தகவல் வழங்கியதையடுத்து பொலிஸார் சம்பவ இடத்துக்கு சென்று விசாரணை மேற்கொண்டுள்ளனர்.

சடலம் இதுவரை அடையாளம் காணப்படவில்லை என கூறும் பொலிஸார்  சடலத்தை மீட்டு பிரேத பரிசோதனைக்காக வைத்தியசாலையில் ஒப்படைப்பதற்கு நீதிமன்ற உத்தரவை பெறுவதற்கான நடவடிக்கையினை மேற்கொண்டு வருவதாக தெரிவித்துள்ளனர்.

சடலத்தை அடையாளம் காணும் பொருட்டு, மட்டக்களப்பு வைத்தியசாலையின் பிரேத அறையில் சடலம் 14 நாட்கள் வைக்கப்படும் என்றும் கூறப்படுகிறது. 

இது தொடர்பான மேலதிக விசாரணைகளை மட்டக்களப்பு தலைமையக பொலிஸார் மேற்கொண்டு வருகின்றனர்.