தவறவிடாதீர்கள்..!உடனே பதிவு செய்யுங்கள்

இலங்கையின் கடன் பளுவும், கடன் மீட்பும் சர்வதேச அரசியலாக மாறியிருக்கிறது. இலங்கையைக் கடன் பொறிக்குள் தள்ளியது சீனா தான் என்ற குற்றச்சாட்டு அண்மைக்காலமாகவே இருந்து வந்திருக்கிறது. சீனா அதனை முற்றாக மறுத்திருப்பினும், இலங்கையும் அவ்வாறு இல்லை எனச் சமாளிக்க முயன்றாலும், சீனாவின் கடன்பொறி பற்றிக் குற்றம்சாட்டும் தரப்புகளுடன் சேர்ந்தே அரசாங்கம், கடன் மீட்பு உதவிகளை பெற்றிருக்கிறது. சீனாவின் கடன் பொறி என்ற குற்றச்சாட்டு அண்மைக்காலமாக, சர்வதேச அளவில் முதன்மை பெற்றிருக்கிறது. அதற்கு இலங்கை எதிர்கொண்ட பொருளாதார வீழ்ச்சியும் ஒரு காரணம். சமீப காலங்களில் சீனாவின் கடன்பொறியில் சிக்கிய பல ஆபிரிக்க நாடுகள், கடுமையான பொருளாதார நெருக்கடிக்குள் சிக்கிக் கொண்டாலும், இலங்கையைப் போன்று மோசமான வங்குரோத்து நிலையை அடைந்திருக்கவில்லை.