தவறவிடாதீர்கள்..!உடனே பதிவு செய்யுங்கள்

இலங்கையின் பெரும் சாபக்கேடாக வந்தமைந்த பயங்கரவாதத் தடைச்சட்டத்தில் இருந்து விடுதலை கிடைக்குமா என்பது கேள்விக் குறியாகவே உள்ளது. பயங்கரவாதத் தடைச்சட்டத்திற்குப் பதிலாகப் புதிய சட்டம் ஒன்றை உருவாக்குவதற்கு அரசாங்கம் நடவடிக்கை எடுத்துள்ளது. அதற்கான புதிய வரைபு உருவாக்கப்பட்டு, அமைச்சரவையின் அங்கீகாரம் பெறப்பட்டிருப்பதாகவும், அது அடுத்த (ஏப்ரல்) மாதம் பாராளுமன்றத்தில் சமர்ப்பிக்கப்படவுள்ளதாகவும் அறிவிக்கப்பட்டிருக்கின்றது. ஆனாலும் இன்றும் நடைமுறையில் உள்ள பயங்கவாதத் தடைச் சட்டத்தில் உள்ள அடிப்படை உரிமை மீறல்கள், மனித உரிமை மற்றும் சர்வதேச மனிதாபிமான சட்ட மீறல்களைக் கொண்ட அம்சங்கள் பதிய சட்டத்தில் நீக்கப்பட்டிருக்குமா என்பது சந்தேகத்திற்கு உரியதாகவே இருக்கின்றது. ஏனெனில் இப்போது அமைச்சரவையின் அங்கீகாரம் பெற்றுள் உத்தேச சட்ட வரைபின் உள்ளடக்கம் பற்றிய உண்மையான தகவல்கள் அரசாங்கத்தினால் பொது மக்களுக்கு வெளிப்படுத்தப்படவில்லை. அந்த உத்தேச சட்ட வரைபில் என்னென்ன அம்சங்கள் முக்கியத்துவம் பெற்றிருக்கின்றன என்பது பற்றிய விபரங்கள் தெரிலிக்கப்படவில்லை.