தவறவிடாதீர்கள்..!உடனே பதிவு செய்யுங்கள்

உக்ரேன் மீது போர் தொடுத்து, போர்க்குற்றங்களை இழைத்தார் என்ற குற்றச்சாட்டுத் தொடர்பாக, ரஷ்ய ஜனாதிபதி விளாடிமிர் புட்டினுக்கு, ஹேக்கில் உள்ள சர்வதேச குற்றவியல் நீதிமன்றம் பிடியாணை உத்தரவைப் பிறப்பித்திருக்கிறது. சர்வதேச குற்றவியல் நீதிமன்றத்தை உருவாக்கும் உடன்பாட்டில் ரஷ்யா கையெழுத்திடவில்லை என்பதால், ஹேக் நீதிமன்றத்தின் உத்தரவுக்கு ரஷ்யா கட்டுப்பட வேண்டியதில்லை. ஆனால், ஹேக் உடன்பாட்டில் கையெழுத்திட்ட 123நாடுகளுக்கு, புட்டின், பயணம் செய்ய முடியாத நிலை ஏற்படும். அவ்வாறு பயணம் செய்தால் அவர் அங்கு கைது செய்யப்படும் நிலை ஏற்படலாம். உக்ரைன் மீதான போரில் ரஷ்ய படைகள் போர்க்குற்றங்களை இழைப்பதாக வெளியாகும் தகவல்கள், ஆதாரங்கள் போலவே, ஆப்கானிஸ்தான் போரிலும், இலங்கைப் போரிலும் போர்க்குற்றங்கள் இடம்பெற்றதாக தகவல்கள், ஆதாரங்கள் வெளியாகின.