தவறவிடாதீர்கள்..!உடனே பதிவு செய்யுங்கள்

சர்வதேச ஊடகங்களின் கடந்த வாரத்தலைப்புச் செய்திகளில் ஒன்று ரஷ்ய ஜனாதிபதி விளாடிமிர் புட்டினுக்கு எதிரான பிடியாணை பற்றியது. நெதர்லாந்து நகரான ஹேக்கில் அமைந்துள்ள சர்வதேசக் குற்றவியல் நீதிமன்றம் இந்தத் தீர்ப்பை வழங்கியிருந்தது. ஒரு வருடத்தையும் கடந்து நடைபெற்றுவரும் உக்ரேன் போரில், உக்ரேனில் உள்ள சிறார்களை சட்டவிரோதமாக(?) ரஷ்யாவுக்குக் கொண்டு சென்றதான குற்றச்சாட்டில் அதிபர் புட்டின் மற்றும் ரஷ்ய சிறார் உரிமைகள் ஆணையர் மரியா ல்வோவா-வெலோவா ஆகியோர் மீது குற்றம் சாட்டப்பட்டிருந்த நிலையில் அவர்கள் இருவர் மீதும் பிடியாணை பிறப்பிக்கப்பட்டுள்ளது. 1988ஆம் ஆண்டில் கொண்டுவரப்பட்ட ரோம் சாசனத்தின் பிரிவு 8இன் கீழ் குறித்த தீர்ப்பு வழங்கப்படுவதாகத் தெரிவிக்கப்பட்டுள்ளது. ~ஜெனீவா பிரகடனத்தை மிக மோசமாக மீறுதல் உள்ளிட்ட மனித உரிமை மீறல்|களுக்காக இந்த நடவடிக்கை எடுக்கப்படுவதாகக் கூறும் தீர்ப்பில், ~உக்ரேனில் ஆக்கிரமிக்கப்பட்ட பகுதிகளில் இருந்து சிறார்களைக் கைது செய்து நாடு கடத்திய குற்றத்திற்காக| பிடியாணை பிறப்பிக்கப்படுவதாகக் கூறப்பட்டுள்ளது.