தவறவிடாதீர்கள்..!உடனே பதிவு செய்யுங்கள்

ஒரு ஊர் இருக்கிறது. அருகருகில் உள்ள இரு வீடுகளுக்கு சண்டை. ஒரு வீடு பெரியது. வசதியானது. மற்றைய வீடு சிறியது. வசதிகள் இல்லை. இருந்தபோதிலும், பெரிய வீட்டுக்காரரின் பகைவர்கள் சிறிய வீட்டுக்கு உதவி செய்வார்கள். பெரிய வீட்டுக்காரனை ஓரங்கட்ட முனைவார்கள். பெரிய வீட்டுக்காரனுக்கு நண்பன் உண்டு. அந்த நண்பனும் செல்வாக்கு மிக்கவன். சண்டை பிடிக்கும் சிறிய வீட்டுக்காரனுக்கு உதவி செய்பவர்களை அவனுக்குப் பிடிக்காது. இருந்தபோதிலும், நண்பன் காரியக்காரன். வியாபாரத்தில் நாட்டம் மிக்கவன். ஊரில் உள்ளவர்களுக்கு உதவும் பேர்வழியாக தம்மைக் காட்டிக் கொள்வான். வியாபாரத்தில் வெற்றி பெற நல்லவன் என்ற பெயர் வேண்டும் அல்லவா. சிறிய வீடு, பெரிய வீடு சண்டையில், இந்த வியாபாரி பெரிதாக மூக்கை நுழைப்பது கிடையாது. பெரிய வீட்டுக்காரன் பக்கம் சார்ந்திருப்பதாகத் தோன்றினாலும், சிறிய வீட்டுக்காரனுக்கு உதவி செய்பவர்களை கண்டித்தாலும், பெரும்பாலும் தன்னை நடுநிலையானவனாக காட்டிக்கொள்வதில் ஆர்வம் காட்டுவான்.