தவறவிடாதீர்கள்..!உடனே பதிவு செய்யுங்கள்

(எம்.வை.எம்.சியாம்)

கண்டி, பல்லேகல சிறைச்சாலை முகாமில் இருந்து தப்பிச்சென்ற கைதியொருவர் மகாவலி ஆற்றில் குதித்து, நீரில் மூழ்கி உயிரிழந்துள்ளதாக பொலிஸார் தெரிவித்துள்ளனர்.

குறித்த நபர் நேற்று முன்தினம் வெள்ளிக்கிழமை காலை சிறைச்சாலை முகாமில் இருந்து தப்பிச் சென்று, மகாவலி ஆற்றில் குதித்தபோது நீரில் மூழ்கி காணாமல் போயுள்ளதாக பல்லேகல பொலிஸாருக்கு கிடைக்கப்பெற்ற  முறைப்பாட்டுக்கு அமைய விசாரணைகள் ஆரம்பிக்கப்பட்டுள்ளன.

அதன்படி, பல்லேகல பொலிஸார் கடற்படையினரின் உதவியுடன் தேடுதல் நடவடிக்கையை மேற்கொண்டு நீரில் மூழ்கிய கைதியின் சடலத்தை மீட்டுள்ளதாக பொலிஸார் தெரிவித்தனர்.

உயிரிழந்தவர் 34 வயதுடைய கொழும்பு பிரதேசத்தைச் சேர்ந்தவராவார். நீதவான் விசாரணையின் பின்னர் சடலம் பிரேத  பரிசோதனைக்காக கண்டி வைத்தியசாலையின் பிரேத அறையில் வைக்கப்பட்டுள்ளது.

இச்சம்பவம் தொடர்பில் பல்லேகல பொலிஸார் மேலதிக விசாரணைகளை மேற்கொண்டு வருகின்றனர்.