தவறவிடாதீர்கள்..!உடனே பதிவு செய்யுங்கள்

கொந்தளிப்பும் குழப்பமும் மிக்க மத்திய கிழக்கின் அரசியல் பின்னணியில் மிகவும் வியக்கத்தக்க ஒரு முன்னேற்றமாக சவூதி அரேபியாவுக்கும் ஈரானுக்கும் இடையிலான இராஜதந்திர உறவுகளின் மீள் ஆரம்பம் அமைந்துள்ளது. சவூதி அரேபியா ஈரானுக்கு எதிராக திடசங்கற்பம் பூண்டுள்ள அமெரிக்காவினதும் இஸ்ரேலினதும் மத்திய கிழக்கின் பிரதான பங்காளி நாடு என்பது குறிப்பிடத்தக்கதாகும். கடந்த பத்தாம் திகதி அன்று ஈரானுடன் இராஜதந்திர உறவுகளை மீண்டும் தொடங்க உள்ளதாகவும் இரண்டு மாதங்களுக்கு இடையில் இரு நாடுகளும் தத்தமது நாடுகளில் தூதரகங்களை மீண்டும் ஸ்தாபிக்கும் என்றும் சவூதி அரேபியா அறிவித்துள்ளது. இரு நாடுகளுக்கும் இடையிலான உறவுகள் துண்டிக்கப்பட்டு ஏழு ஆண்டுகள் கழிந்துள்ள நிலையில் சீனாவின் மத்தியஸ்தத்தின் கீழ் இந்த உறவுகள் மீண்டும் கட்டியெழுப்பப்பட்டுள்ளன.