தவறவிடாதீர்கள்..!உடனே பதிவு செய்யுங்கள்

தாய்லாந்திலுள்ள அவுஸ்திரேலிய தூதரகத்தின் பெண்கள் கழிவறையில் இரகசிய கெமரா பொருத்தியதால், அத்தூதரகத்தின் முன்னாள் தகவல் தொழில்நுட்ப முகாமையாளருக்கு தாய்லாந்து நீதிமன்றம் இன்று 2 வருட சிறைத்தண்டனை விதித்துள்ளது.

39 வயதான நயோத் தம்சோங்சனா என்பவருக்கே இத்தண்டனை விதிக்கப்பட்டது. இவர் தன் மீதான குற்றச்சாட்டை ஒப்புக்கொண்டார். 

இக்கெமரா எவ்வளவு காலம் பொருத்தப்பட்டிருந்தது என்பது தெரியவில்லை.

ஒவ்வொரு குற்றத்துக்கும் நயோத்துக்கு தலா 2 வருடங்கள் வீதம் 4 வருட சிறைத்தண்டனை விதிக்கப்பட்டது. எனினும், அவர் குற்றச்சாட்டை ஒப்புக்கொண்டதால் சிறைத்தண்டனை 2 வருடங்களாக குறைக்கப்பட்டது என வழக்குத் தொடுநர் ஒருவர் தெரிவித்துள்ளார்.

நயோத் 2022 ஜனவரியில் கைது செய்யப்பட்டிருந்தார். அவருக்கு எதிரான விசாரணையின் போது 60 பெண்கள் வாக்குமூலம் அளித்தனர்.