தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

தேர்தலுக்காக வரவு - செலவு திட்டத்தில் ஒதுக்கப்பட்டுள்ள நிதியை முடக்குவதை தவிர்க்குமாறு உயர் நீதிமன்றம் இடைக்கால தடையுத்தரவு பிறப்பித்துள்ள போதிலும், அதற்கான எந்தவொரு நடவடிக்கையையும் முன்னெடுக்காமையின் காரணமாக திறைசேரி செயலாளர் மஹிந்த சிறிவர்தனவிற்கு எதிராக நீதிமன்ற அவமதிப்பு குற்றச்சாட்டில் வழக்கு தாக்கல் செய்யப்பட்டுள்ளது.

தேசிய மக்கள் சக்தியின் பாராளுமன்ற உறுப்பினர் விஜித ஹேரத் மற்றும் ஐக்கிய மக்கள் சக்தியின் பொதுச் செயலாளர் ரஞ்சித் மத்தும பண்டார ஆகியோரினால் உயர் நீதிமன்றத்தில் இவ்வழக்கு தாக்கல் செய்யப்பட்டுள்ளது.

நிதியை முடக்குவதை தவிர்க்குமாறு உயர் நீதிமன்றத்தினால் பிறப்பிக்கப்பட்டுள்ள இடைக்கால தடையுத்தரவினை உதாசீனப்படுத்தியதாகக் குறிப்பிட்டு, நீதிமன்ற அவமதிப்பு வழக்கு விசாரணைகளை முன்னெடுத்து திறைசேரி செயலாளருக்கு தண்டனை வழங்குமாறு மனுதாரர்கள் கோரியுள்ளனர்.