தவறவிடாதீர்கள்..!உடனே பதிவு செய்யுங்கள்

ஈரானை சேர்ந்த நபர்கள் மற்றும் அமைப்புகளிற்கு எதிராக அவுஸ்திரேலியா தடைகளை அறிவித்துள்ளது.

அவுஸ்திரேலிய வெளிவிவகார அமைச்சர் பெனிவொங் இதனை அறிவித்துள்ளார்.

ஈரானில் மனித உரிமை மீறல்களில் ஈடுபட்டு வரும் 14 நபர்கள் மற்றும் 14 அமைப்புகளிற்கு எதிராக இலக்குவைக்கப்பட்ட தடைகளை அவர் அறிவித்துள்ளார்.

மாசா ஜினா அமினியை கைதுசெய்து தடுத்துவைத்து துன்புறுத்திய  ஈரானின் ஒழுக்கநெறி காவல்துறையினருக்கு எதிராகவும் மக்னிட்ஸ்கி பாணியிலான  மனித உரிமை தடைகளை அவுஸ்திரேலியா அறிவித்துள்ளது.

சிரேஸ்ட சட்ட அமுலாக்கல் அதிகாரிகள்  அரசியல் மற்றும் இஸ்லாமிய புரட்சிகர காவல் படையினர் உட்பட  இராணுவ அதிகாரிகளிற்கு எதிராகவும் அவுஸ்திரேலியா தடைகளை அறிவித்துள்ளது.

ரஸ்யாவிற்கு ஆளில்லா விமானங்களை உற்பத்தி செய்து விநியோகிக்கும் ஒருஅமைப்பு மற்றும் 13 ஈரானிய தனிநபர்களிற்கு எதிராகவும் அவுஸ்திரேலியா தடைகளை அறிவித்துள்ளது.