தவறவிடாதீர்கள்..!உடனே பதிவு செய்யுங்கள்

விமானப்படையின் 72ஆவது ஆண்டு நிறைவு விழாவுடன் இணைந்த பாரம்பரிய விமானப்படை கொடிகளுக்கான ஆசீர்வாத பூஜை நிகழ்வு புனித அனுராதபுரம் ஜெயஸ்ரீ மஹா போதியில் நேற்று (17) வெள்ளிக்கிழமை விமானப்படை தளபதி எயார் மார்ஷல் சுதர்சன பத்திரனவின் பங்கேற்பில் நடைபெற்றது. 

இந்த வழிபாட்டு நிகழ்வில் அனைத்து விமானப்படை தளங்களின் கட்டளை அதிகாரிகளும் கலந்துகொண்டனர். 

இந்த ஆசீர்வாத பூஜை நிகழ்வுகள் அனைத்து விமானப்படை தளங்களையும் பிரதிநிதித்துவப்படுத்தும் விமானப்படை கொடிகளுக்காகவும், விமானப்படையில்  பல்வேறு பொறுப்புக்கள் வகிக்கும் அதிகாரிகள் மற்றும் படைவீரர்களுக்காகவும் நடத்தப்பட்டன. 

அனுராதபுர விமானப்படை தளத்தினால் ஏற்பாடு செய்யப்பட்ட இந்த நிகழ்வில் விமானப்படை தலைமை தளபதி, விமானப்படை பணிப்பாளர்கள், சிரேஷ்ட அதிகாரிகள் மற்றும் படைவீரர்கள் கலந்துகொண்டனர்.