தவறவிடாதீர்கள்..!உடனே பதிவு செய்யுங்கள்

வெளிநாடுகளுக்கான இறைமைக்கடன்களை மீளச் செலுத்துதலை நிறுத்திவைத்து வங்குரோத்து நிலையைப் பிரகடனப்படுத்தியுள்ள இலங்கை அரசாங்கம் பொருளாதார நெருக்கடிக்கு உடனடித் தீர்வாக வரி வருமானத்துக்கு பிரதான இடத்தினை வழங்கியிருக்கின்றது. இதனால், வருமான வரி, கூட்டிணைவு வருமான வரி, பங்குடைமை வரி, தனி நபர் வருமான வரி, பங்குலாப வரி, பொருளாதார சேவைக்கட்டணம், பெறுமதி சேர்வரி, இலகுபடுத்தப்பட்ட பெறுமதி சேர்வரி முறைமை நாட்டைக் கட்டியெழுப்பும் வரி உழைக்கும், போது செலுத்தும் வரி, நிறுத்திவைத்தல் வரி, மூலதன ஈட்டுகை வரி, முத்திரைத் தீர்வை, பந்தய மற்றும் சூதாட்ட விதிப்பனவு, சுற்றுலா அபிவிருத்தி கட்டணம் என்றவாறு நீளும் உள்நாட்டு வரிவகைப் பட்டியலை கடந்த வரவு, செலவுத் திட்டத்தின் ஊடாக மீண்டும் தூசு தட்டியிருந்தது. உலகில் மிகக் குறைந்த வரி வருமானம் பெறும் நாடுகளில் இலங்கையும் ஒன்றாக அடையாளப்படுத்தப்படுகின்றபோதும் இந்த ஆண்டுக்கான வரவு, செலவுத்திட்டத்தில் நாட்டின் மொத்த உள்நாட்டு உற்பத்தியில் பங்களிக்கும் மொத்த வரி வருமானம் 8.3 சதவீதமாகாக் கூறப்பட்டாலும், அதிகரிக்கப்பட்டுள்ள வரிகளால் ஏற்பட்டுள்ள சுமையால் மாடிகளில் வாழ்பவர்கள் முதல் கடைக்கோடிகளில் வாழ்பவர்கள் வரையில் தாங்க முடியாத நிலைமையே ஏற்பட்டுள்ளது.