தவறவிடாதீர்கள்..!உடனே பதிவு செய்யுங்கள்

தெற்கு வியட்நாமில் 1968 ஆம் ஆண்டு மார்ச் 16 அன்று அமெரிக்கப் படைகளினால் 347 முதல் 504 வரையான பொது மக்கள் படுகொலை செய்யப்பட்ட நிகழ்வைக் குறிக்கும் இப்படுகொலைகளின் கோரம் வரிகளில் வடிக்க முடியாது. கொல்லப்பட்ட அல்லது காயமடைந்த பெரும்பாலானோர் பாலியல் வதை, அல்லது துன்புறுத்தப்பட்டனர். பெரும்பாலானோரின் உடல்கள் பெரும் சிதைவுக்குள்ளாகிக் கண்டுபிடிக்கப்பட்டன. 55 வருடங்களுக்கு முன்னர், உலகை உலுக்கிய கொடூர படுகொலைகளில் மிக மிலேச்சத்தனமாக கருதப்படும் ‘மை லாய்’ படுகொலையின் வடுக்கள் இன்னமும் மாறவில்லை. இப்படுகொலைகள் வியட்நாம் போரின் போது சோன் மை என்ற கிராமத்தில் ‘மை லாய்’ (My Lai Massacre) மற்றும் மைகே ஆகிய பகுதிகளில் இடம்பெற்றது. ஆரம்பத்தில் 26 அமெரிக்கப் போர்வீரர்கள் இப்படுகொலைகளுக்குக் குற்றம் சுமத்தப்பட்டிருந்தாலும், 2ஆம் லெப்.வில்லியம் கேலி என்பவருக்கு மட்டுமே தண்டனை கிடைத்தது.