தவறவிடாதீர்கள்..!உடனே பதிவு செய்யுங்கள்

ஈராக் மீது அமெரிக்கா, பிரித்தானியாக் கூட்டிணைவில் முன்னெடுக்கப்பட்ட படையெடுப்பு இடம்பெற்று இன்றுடன் 20 ஆண்டுகள் பூர்த்தியாகின்றன. அன்று பெரும்பாலும் அபிவிருத்தி கண்டிருந்த ஈராக் அதன் பண்டைய வரலாற்றுப் பெருமைக்கும் சிறப்புக்கும் உரியதாகும். அதன் தலைநகரான பக்தாத் ஒருகாலத்தில் அறிவின் சிகரமாகத் திகழ்ந்தது. முன்னாள் அமெரிக்க ஜனாதிபதி ஜோர்ஜ் புஷ் ஜுனியர், முன்னாள் பிரித்தானியப் பிரதமர் டொனி பிளாயர் ஆகியோர் அன்றைய ஈராக் ஆட்சியாளர் சதாம் ஹசேன் பாரிய அழிவு தரும் ஆயதங்களை உற்பத்தி செய்வதாக பாரதூரமான குற்றச்சாட்டுக்களை முன்வைத்தனர். அந்தக் குற்றச்சாட்டின் அடிப்படையில் அமெரிக்க, பிரித்தானிய இராணுவ இயந்திரங்கள் கட்டவிழ்த்து விடப்பட்டன. அன்றைய சகல நவீன விதமான ஆயுதங்களும், விமானங்களும் ஈராக்கிற்கு எதிராகப் பயன்படுத்தப்பட்டன. இதனால் அந்த நாடே பலிபீடமாக மாற்றப்பட்டது.