தவறவிடாதீர்கள்..!உடனே பதிவு செய்யுங்கள்

வங்கி மற்றும் நிதிச் சேவைகளில் பணியாற்றிய பெருமளவு இளையோர், மருத்துவர்கள் போன்ற தொழில்வல்லுநர்கள், அண்மைக்காலத்தில் பெருமளவில் வெளிநாடுகளுக்குப் புலம்பெயரத் தொடங்கியுள்ளனர். இதற்கு முக்கியமான காரணம், அரசாங்கத்தின் வரிக்கொள்கையும், நிச்சயமற்ற பொருளாதார நிலையும் தான். அதிகளவு ஊதியம் பெறுவோர் மத்தியில் அரசாங்கத்தின் புதிய வரிக் கொள்கை அதிருப்தியை ஏற்படுத்தியுள்ளது. அவர்கள், தங்களின் வளத்தை அரசாங்கம் பறித்துக் கொள்வதாக கருதுகிறார்கள். அதனால் அவர்கள் அதிகளவில் புலம்பெயர்ந்து செல்லத் தொடங்கியுள்ளார்கள். அவர்கள் புலம்பெயர்ந்து செல்லும் இடங்களில், இதைவிட மோசமான வரிக்கொள்கையை எதிர்கொள்ள நேரிடும் என்பது அவர்களுக்கு தெரியாததல்ல. ஆனாலும், அவர்கள் புலம்பெயர்தலை விரும்புகிறார்கள். ஏனென்றால், இலங்கையின் பொருளாதாரம் நிச்சயமற்ற நிலையில் இருக்கிறது.