தவறவிடாதீர்கள்..!உடனே பதிவு செய்யுங்கள்

இந்தியாவின் தெலுங்கானா மாநிலத்தின் வணிகவளாக கட்டடமொன்றில் ஏற்பட்ட தீயினால் 6 பேர் உயிரிழந்துள்ளனர். 

செந்திராபாத் நகரில் நேற்றிரவு இச்சம்பவம் இடம்பெற்றுள்ளது. 

8 மாடிகளைக் கொண் இக்கட்டடத்தின் 5 ஆவது தளத்தில் நேற்றிரவு 7.30 மணியளவில் தீ ஏற்பட்டதாக தெரிவிக்கப்படுகிறது. 

பின்னர், 6 ஆவது, 7 ஆவது மாடிகளுக்கும் தீ பரவியது. அதனால், கட்டடத்தில் இருந்தவர்கள் கீழே இறங்கி ஓடினர். சுpலர் ஜன்னல் வழியாக குதித்தனர்.

எனினும், சிலர் மூச்சுத் திணறல் ஏற்பட்டு மயங்கி வீழ்ந்தனர். தீயணைப்புப் படையினர் 18 பேரை மீட்பு வைத்தியசாலையில் சேர்த்தனர். அவர்களில் 6 பேர் உயிரிழந்துள்ளனர் என அறிவிக்கப்பட்டுள்ளது.

மேலும் 12 பேர் சிகிச்சை பெற்று வருகின்றனர். 

இத் தீ ஏற்பட்டமைக்கான காரணம் தெரியவில்லை. இது குறித்து அதிகாரிகள் விசாரணை நடத்தி வருகின்றனர்.