தவறவிடாதீர்கள்..!உடனே பதிவு செய்யுங்கள்

யாழ். இந்திய துணைத் தூதரகம் மற்றும் வட மாகாண மகளிர் விவகார அமைச்சு இணைந்து ஏற்பாடு செய்த சர்வதேச மகளிர் தின நிகழ்வுகள் இன்று (15) காலை 9 மணியளவில் இடம்பெற்றுள்ளது.

யாழ்ப்பாண கலாசார மண்டபத்தில் நடந்த இந்நிகழ்வுகள் 'பால்நிலை சமத்துவத்துக்கான புதுமை தொழில்நுட்பம்' எனும் கருப்பொருளில் 2023ஆம் ஆண்டுக்கான மகளிர் தின கொண்டாட்டமாக இடம்பெற்றது.

இதன்போது பல்வேறு துறைகளைச் சேர்ந்த பெண்களுக்கு விருதுகள் வழங்கப்படன. 

இந்த நிகழ்வில் வட மாகாண ஆளுநர் ஜீவன் தியாகராஜா, இந்திய துணைத் தூதுவர் ராகேஷ் நட்ராஜ் ஜெயபாஸ்கரன், யாழ். மாவட்ட அரசாங்க அதிபர் அ.சிவபாலசுந்தரன், பொலிஸ் மற்றும் இராணுவ அதிகாரிகள், மாவட்ட செயலாளர்கள், திணைக்கள உத்தியோகத்தர்கள் என பலரும் கலந்துகொண்டனர்.

அதேவேளை யாழ்ப்பான கலாசார மண்டப முன்றலில் சர்வதேச மகளிர் தினத்தை முன்னிட்டு வட மாகாண மகளிர் விவகார அமைச்சு மற்றும் வட மாகாண தொழிற்துறைத் திணைக்களம் இணைந்து நடத்திய மகளிர் உற்பத்திப் பொருட்களின் கண்காட்சியும் விற்பனையும் இடம்பெற்றது.