தவறவிடாதீர்கள்..!உடனே பதிவு செய்யுங்கள்

நியாயமற்ற வரிக்கொள்கை, மருந்துகள் தட்டுப்பாடு மற்றும் பல்வேறு விடயங்களுக்கு எதிர்ப்புத் தெரிவித்து புத்தளம் மாவட்டத்திலும் வைத்தியர்கள் பணிப்பகிஷ்கரிப்பில் ஈடுப்பட்டு வருகின்றனர்.

இந்த நிலையில் அவசர சிகிச்சை மாத்திரம் இயங்கியது. வெளிநோயாளர் பிரிவு மற்றும் க்ளீனிக் இயங்காது  இருந்தமையைக் காணக்கூடியதாக இருந்தது.

இந்த நிலையில் தூர இடங்களில் இருந்து வருகை தந்த நோயாளிகளும்  அசௌகரியங்களுக்குள்ளாகிய நிலையில் திரும்பிச் சென்றதையும் காணக்கூடியதாக இருந்தது.

இதேவேளை நியாயமற்ற வரிக்கொள்கைக்கு எதிராக புத்தளம் மாவட்டத்திலுள்ள அரச மற்றும் அரச சார்ப்பற்ற வங்கிகளின் ஊழியர்கள் பணிப்பகிஷ்கரிப்பில் ஈடுப்பட்டுள்ளனர்.

இதனால் வங்கிகள் மூடப்பட்டிருந்தமையும் காணக்கூடியதாக இருந்ததுடன், பொதுமக்கள் திரும்பிச் சென்றதையும் காணக்கூடியதாக இருந்தது.

புத்தளம் நகரிலுள்ள பிரதான தபால் அலுவலகத்தில் பணியாற்றும் ஊழியர்களும் பணிப்பகிஷ்கரிப்பில் ஈடுபட்டிருந்தனர்.

வாழ்க்கைச் சுமை, அதிகரிப்பு மற்றும் மின்சாரக் கட்டணம் அதிகரிப்பு மற்றும் பல்வேறு விடயங்களுக்கு எதிர்ப்புத் தெரிவித்து தபால் ஊழியர்கள் பணிப்பகிஷ்கரிப்பில் ஈடுப்பட்டனர்.