தவறவிடாதீர்கள்..!உடனே பதிவு செய்யுங்கள்

அரசாங்கத்தின் வரிக் கொள்கைக்கு எதிராக இன்று (13) பல வைத்தியசாலைகள் பணிப்புறக்கணிப்புப் போராட்டத்தை அறிவித்துள்ளதாக அரச வைத்திய அதிகாரிகள் சங்கம் தெரிவித்துள்ளது. 

மேல், தெற்கு, மத்திய மற்றும் கிழக்கு மாகாணங்களில் உள்ள அனைத்து வைத்தியசாலைகளுடன் இணைந்து இன்று காலை 8.00 மணி முதல் பணிப்புறக்கணிப்பு நடவடிக்கையை ஆரம்பிப்பதாக  ஊடகப் பேச்சாளர்  டாக்டர் சமில் விஜேசிங்க தெரிவித்துள்ளார்.

இதேவேளை, அகில இலங்கை தாதியர் சங்கம், நீர்வழங்கல் தொழிற்சங்க கூட்டு அமைப்பு, அகில இலங்கை துறைமுக பொது ஊழியர் சங்கம், இலங்கை வங்கி ஊழியர் சங்கம், அரச மற்றும்  அரசதுறைசார் தொழிற்சங்கங்கள், ஆசிரியர் அதிபர்கள் தொழிற்சங்கங்கள் என்பன இந்த வாரம் எதிர்ப்பு மற்றும் தொழில் நடவடிக்கைகளில் ஈடுபடவுள்ளன.

அரசாங்கத்தின் புதிய வரிக் கொள்கை, வட்டி விகித அதிகரிப்பு, மின்சாரக் கட்டண அதிகரிப்பு, அரசாங்க ஊழியர்களின் பிரச்சினைகள் உள்ளிட்ட பல விடயங்களுக்கு எதிராக இந்த வாரத்தில் தொழிற்சங்கங்கள் கூட்டாக தொழிற்சங்கங்கள் கூட்டாகத் தீர்மானித்துள்ளன.