தவறவிடாதீர்கள்..!உடனே பதிவு செய்யுங்கள்

இன்றும் நாட்டின் சில பிரதேசங்களில் மழை பெய்வதற்கான வாய்ப்புகள் காணப்படுவதாக வளிமண்டலவியல் திணைக்களம் அறிக்கை வெளியிட்டுள்ளது. 

அதன்படி, கிழக்கு, ஊவா மாகாணங்களிலும், பொலன்னறுவை, மாத்தளை மாவட்டங்களிலும் அடிக்கடி மழை பெய்யும் என எதிர்வுகூறப்படுகிறது.

அதேவேளை மேல், சப்ரகமுவ மாகாணங்களிலும், கண்டி, நுவரெலியா, காலி மற்றும் மாத்தறை மாவட்டங்களிலும் பல பிரதேசங்களில் பிற்பகல் அல்லது இரவு வேளைகளில் மழையோ அல்லது இடியுடன் கூடிய மழையோ பெய்யக்கூடும்.

அவ்வாறு இடியுடன் கூடிய மழை பெய்யும் வேளைகளில் தற்காலிகமாக பலத்த காற்றும் வீசக்கூடும். 

நாட்டைச் சூழவுள்ள கடற்பரப்புகளில்  வடகிழக்கு திசையிலிருந்து வீசக்கூடிய காற்றின் வேகம் மணித்தியாலத்துக்கு 25-35 கிலோ மீற்றர் வரை காணப்படக்கூடும்.

அத்தோடு காங்கேசன் துறையிலிருந்து மன்னார், புத்தளம் ஊடாக கொழும்பு வரையான கரையோரத்துக்கு அப்பாற்பட்ட கடற்பரப்புகளிலும், காலி தொடக்கம் ஹம்பாந்தோட்டை ஊடாக பொத்துவில் வரையான கரையோரத்துக்கு அப்பாற்பட்ட கடற்பரப்புகளிலும் காற்றின் வேகம் அவ்வப்போது மணித்தியாலத்துக்கு 40 கிலோ மீற்றர் வரை அதிகரிக்கக்கூடும்.

அதேவேளை அப்பகுதிகளில் உள்ள கடற்பரப்புகளும் அவ்வப்போது ஓரளவு கொந்தளிப்பாக காணப்படும்.

இந்நிலையில் நாட்டை சூழவுள்ள ஏனைய கடற்பரப்புகள் மிதமான அலையுடன் காணப்படும் எனவும் அறிக்கையில் தெரிவிக்கப்பட்டுள்ளது.