தவறவிடாதீர்கள்..!உடனே பதிவு செய்யுங்கள்

இந்தி திரையுலகின் சூப்பர் ஸ்டாரான நடிகர் அமிதாப் பச்சனுக்கு சண்டை காட்சி ஒன்றில் நடிக்கும்போது வலது இடுப்பு பகுதியில் காயம் ஏற்பட்டுள்ளது.

 அமிதாப் பச்சன் புராஜெக்ட் கே என பெயரிடப்பட்ட படப்பிடிப்பு ஒன்றில் கலந்து கொண்டு நடித்து வருகிறார்.

இதற்காக ஐதராபாத் நகரில் படப்பிடிப்பு நடத்தப்பட்டது. அதில் சண்டை காட்சி ஒன்று படமாக்கப்பட்டு வந்தது. அப்போது, நடிகர் அமிதாப்புக்கு வலது இடுப்பு பகுதியில் காயம் ஏற்பட்டு உள்ளது. தசை பகுதியும் பாதிப்படைந்துள்ளது.

இதனால், படப்பிடிப்பை இரத்து செய்து விட்டு அவர் உடனடியாக ஐதராபாத் நகரில் உள்ள வைத்தியசாலையில் அனுமதிக்கப்பட்டு வீடு திரும்பியுள்ளார்.

இந்த விவரங்களை அவர் தனது சமூக ஊடகத்தில் பதிவிட்டுள்ளார். அவருக்கு மூச்சு விடும்போதும், நடந்து செல்லும்போதும் வலி ஏற்படுகிறது என தெரிவித்துள்ளார்.

இதனால், இயல்பு நிலைக்கு திரும்ப சில வாரங்கள் ஆகலாம். வலிக்கான மருந்துகளை எடுத்து வருகிறேன் என்றும் அவர் தெரிவித்துள்ளார். ரசிகர்கள் யாரும் தன்னை பார்க்க வரவேண்டாம் என்றும் அவர் கேட்டு கொண்டுள்ளார்.