'பருந்தாகுது ஊர் குருவி' படத்தின் இசை மற்றும் முன்னோட்டம் வெளியீடு

Published By: Nanthini

06 Mar, 2023 | 06:45 PM
image

மிழ் திரையுலகின் சிறந்த குணச்சித்திர நடிகராக வலம்வரும் நடிகர் விவேக் பிரசன்னா மற்றும் நடிகர் நிஷாந்த் ரூசோ ஆகியோர் கதையின் நாயகர்களாக நடித்திருக்கும் 'பருந்தாகுது ஊர் குருவி' எனும் திரைப்படத்தின் இசை மற்றும் முன்னோட்டம் வெளியாகியுள்ளது. 

அதனை தமிழ் திரையுலகின் இளம் படைப்பாளிகளான மாரி செல்வராஜ், விருமாண்டி, முத்துக்குமார், கணேஷ் கே.பாபு, தயாரிப்பாளர் பிரபு திலக், திருத்தணி சட்டமன்ற உறுப்பினர் சந்திரன் உள்ளிட்ட பலர் இணைந்து வெளியிட்டனர்.

அறிமுக இயக்குநர் கோ. தனபாலன் இயக்கத்தில் தயாராகியிருக்கும் முதல் திரைப்படம் 'பருந்தாகுது ஊர் குருவி'. 

இதில் விவேக் பிரசன்னா மற்றும் நிஷாந்த் ரூசோ ஆகியோருடன் காயத்ரி ஐயர் முக்கிய வேடத்தில் நடித்திருக்கிறார். 

மேலும் 'ராட்சசன்' வினோத் சாகர், அருள் சங்கர், கோடங்கி வடிவேல், ராம்தாஸ் உள்ளிட்ட பலர் நடித்திருக்கிறார்கள். 

அஸ்வின் நோயல் ஒளிப்பதிவு செய்திருக்கும் இந்த திரைப்படத்துக்கு ரஞ்சித் உன்னி இசையமைத்திருக்கிறார். 

இந்தத் திரைப்படத்தை லைட்ஸ் ஆன் மீடியா எனும் பட நிறுவனம் சார்பில் தயாரிப்பாளர்கள் சுரேஷ், வெங்கி சந்திரசேகர், சுந்தர் ஆகியோர் இணைந்து தயாரித்திருக்கிறார்கள்.

இந்தப் படத்தின் ஃபர்ஸ்ட் லுக், சிங்கிள் ட்ரக் ஆகியவை வெளியாகி பெரும் வரவேற்பை பெற்ற நிலையில், இப்படத்தின் இசை மற்றும் முன்னோட்டம் வெளியிடப்பட்டிருக்கிறது. இதற்காக சென்னையில் பிரத்தியேக வெளியீட்டு விழா நடைபெற்றது.

இதன்போது படத்தின் இயக்குநர் தனபாலன் பேசுகையில், 

''வஞ்சகமும் சூழ்ச்சியும் ஒருபோதும் நிலைக்காது என்ற கருத்தினை மையப்படுத்தி இப்படம் தயாராகியிருக்கிறது. சர்வைவல் த்ரில்லர் ஜேனரில், டிஜிட்டலில் தயாரான இந்த ஊர்க்குருவி ரசிகர்களின் பேராதரவால் பருந்தாகும்...'' என்றார்.  

முக்கிய செய்திகள்

icon-left
icon-right

தொடர்பான செய்திகள்

news-image

ஏப்ரலில் வெளியாகும் சுந்தர் சி யின்...

2024-03-27 15:40:07
news-image

செயற்கை நுண்ணறிவு தொழில்நுட்பத்தை மையப்படுத்தி உருவாகும்...

2024-03-27 21:28:48
news-image

'குளோபல் ஸ்டார்' ராம்சரண்நடிக்கும் 'கேம் சேஞ்சர்'...

2024-03-27 21:28:27
news-image

எடிசன் விருது விழா : சிறந்த...

2024-03-27 15:25:27
news-image

ஜெயம் ரவி நடிக்கும் 'ஜீனி' திரைப்படத்தின்...

2024-03-26 17:27:01
news-image

மனைவியை ஒருதலையாக காதலிக்கும் கணவனாக விஜய்...

2024-03-26 19:26:29
news-image

தேஜ் சரண்ராஜ் நடிக்கும் 'வல்லவன் வகுத்ததடா'...

2024-03-26 17:10:13
news-image

ரசிகரை நடிகராக்கிய உலகநாயகன்

2024-03-26 16:49:17
news-image

வெற்றிக்காக 'ஜீனி'யாக நடிக்கும் ஜெயம் ரவி

2024-03-25 21:19:56
news-image

'கொல்லுறாளே கொள்ளை அழகுல ஒருத்தி..'

2024-03-25 17:28:41
news-image

மக்கள் செல்வன்' விஜய் சேதுபதி வெளியிட்ட...

2024-03-25 17:29:35
news-image

கல்லூரி மாணவர்களை நம்பிய சந்தானம் படக்...

2024-03-25 17:19:37