தவறவிடாதீர்கள்..!உடனே பதிவு செய்யுங்கள்

கொலம்­பி­யாவில் ஆர்ப்­பாட்­டக்­கா­ரர்­களால் பணயக் கைதி­க­ளாக்­கப்­பட்­டி­ருந்த 78 பொலிஸ் உத்­தி­யோ­கத்­தர்கள் உட்­பட 84 பேர் விடு­விக்­கப்­பட்­டுள்­ளனர் என அந்­நாட்டின் ஜனா­தி­பதி அறி­வித்­துள்ளார்.

தென் அமெ­ரிக்க நாடான கொலம்­பி­யாவின் சான் வின்சென்ட் டெல் ககுவான் நகரில், எண்ணெய் அகழ்வு நிறு­வ­னம் ஒன்றை உள்ளூர் மக்கள் கடந்த வியா­ழக்­கி­ழமை முற்­று­கை­யிட்டு ஆர்ப்­பாட்டம் நடத்­தினர்.

வாக்­கு­றுதி அளித்­தி­ருந்­த­படி, வீதிகள் உட்­பட உட்­கட்­ட­மைப்பு வச­தி­களை ஏற்­ப­டுத்தித் தரு­மாறு கோரி கடந்த நவம்பர் முதல் உள்ளூர் மக்­களால் ஆர்ப்­பாட்­டங்கள் நடத்­தப்­ப­டு­கின்­றன.

இந்­நி­லையில், கடந்த வியா­ழக்­கி­ழமை குறித்த நிறு­வ­னத்தின் வளா­கத்தை முற்­று­கை­யிட்டு நடத்­தப்­பட்ட ஆர்ப்­பாட்­டத்த்­தின்­போது வன்­மு­றை­களும் வெடித்­தன. 

இதன்­போது, 79 பொலிஸ் உத்­தி­யோ­கத்­தர்­களும் எண்ணெய் நிறு­வ­னத்தின் 6 ஊழி­யர்­களும் பண­யக்­கை­தி­க­ளாக ஆர்ப்­பாட்­டக்­கா­ரர்­களால் தடுத்­து­வைக்­கப்­பட்­டனர். 

அவர்­களை விடு­விக்­கு­மாறு கொலம்­பிய ஜனா­தி­பதி குஸ்­டாவோ பெட்ரா கோரி­யி­ருந்தார்.  

ஆனால், ஒரு பொலிஸ் உத்­தி­யோ­கத்­தரும் குடி­மகன் ஒரு­வரும் வன்­மு­றை­க­ளின்­போது கொல்­லப்­பட்­டனர்.

இந்­நி­லையில், 78  பொலிஸ் உத்­தி­யோ­கத்­தர்­களும் 6 ஊழி­யர்­களும் விடு­விக்­கப்­பட்­டுள்­ளனர் என ஜனா­தி­பதி குஸ்­டாவோ பெட்ரா நேற்­று­முன்­தினம் அறி­வித்தார். 

அத்­துடன் இருவர் கொல்­லப்­பட்­ட­மைக்கு கார­ண­மா­ன­வர்­களை கண்டறிய விசாரணை நடத்துமாறு அதிகாரிகளுக்கு அவர் உத்தரவிட்டுள்ளார்.

மேற்படி இருவரும் துப்பாக்கிச் சூடுகளால் உயிரிழந்தனர் என உள்துறை அமைச்சர் அல்போன்சோ ப்ராடா கூறியுள்ளார்.