சைக்கலாஜிக்கல் திரில்லராக தயாராகி இருக்கும் 'மெமரீஸ்'

Published By: Digital Desk 5

06 Mar, 2023 | 11:23 AM
image

நடிகர் வெற்றி கதையின் நாயகனாக முதன்மையான வேடத்தில் நடித்திருக்கும் 'மெமரீஸ்' எனும் திரைப்படம், சிக்கலான சைக்காலஜிக்கல் திரில்லர் ஜேனரில் உருவாகியிருக்கிறது என படக் குழுவினர் தெரிவித்திருக்கிறார்கள்.

அறிமுக இயக்குநர்கள் ஷ்யாம் - பிரவீண் இயக்கத்தில் தயாராகி இருக்கும் முதல் திரைப்படம் 'மெமரீஸ்'. இதில் 'எட்டுத் தோட்டாக்கள்' புகழ் வெற்றி கதையின் நாயகனாக நடிக்க, அவருக்கு ஜோடியாக நடிகை பார்வதி அருண் நடித்திருக்கிறார். 

இவர்களுடன் ரமேஷ் திலக், ஹரிஷ் பராடி, விபின் கிருஷ்ணன், டயானா ஹமீத் உள்ளிட்ட பலர் நடித்திருக்கிறார்கள். அர்மோ மற்றும் கிரண் நுப்தியால் ஆகியோர் இணைந்து ஒளிப்பதிவு செய்திருக்கும் இந்த திரைப்படத்திற்கு கவாஸ்கர் அவினாஷ் இசையமைத்திருக்கிறார். 

சைக்காலஜிக்கல் திரில்லர் ஜேனரில் தயாராகி இருக்கும் இந்த திரைப்படத்தை சிஜு தமின்ஸ் ஃபிலிம் ஃபேக்டரி எனும் பட நிறுவனம் சார்பில் தயாரிப்பாளர் சிஜு தமின்ஸ் தயாரித்திருக்கிறார். இவர் பிரபல தயாரிப்பாளரும், விநியோகஸ்தருமான ஷிபு தமின்ஸின் சகோதரர் என்பது குறிப்பிடத்தக்கது.

எதிர்வரும் பத்தாம் திகதியன்று உலகம் முழுவதும் பட மாளிகையில் வெளியாகவிருக்கும் இந்த 'மெமரீஸ்'  திரைப்படத்தினை விளம்பரப்படுத்தும் நிகழ்வு சென்னையில் நடைபெற்றது. இதில் பட குழுவினர் பங்குபற்றினர்.

இதன் போது படத்தின் நாயகனான வெற்றி பேசுகையில், '' எட்டு தோட்டாக்கள் படம் வெளியான பிறகு இப்படத்தின் இயக்குநர்கள் எம்மை தொடர்பு கொண்டு, இந்த கதையை விவரித்தனர். தயாரிப்பாளருடன் வாருங்கள். 

நடிக்கிறேன் என தெரிவித்தேன். இரண்டு ஆண்டுகள் கழித்து கொரோனா தொற்று காலகட்டத்தின் போது தயாரிப்பாளருடன் எம்மை சந்தித்தனர். 

படப்பிடிப்பிற்காக கேரளாவிற்கு சென்று அங்கு 14 நாட்கள் என்னைத் தனிமைப்படுத்திக் கொண்டு, தொற்று பாதிப்பு இல்லை என்று உறுதிப்படுத்திய பிறகு படப்பிடிப்பில் பங்கு பற்றினேன். இந்த திரைப்படத்தில் நான்கு விதமான வித்தியாசமான தோற்றங்களில் நடித்திருக்கிறேன். 

இது புது அனுபவமாக இருந்தது. மேலும் அடர்ந்த காடுகளில் இரவு நேரத்தில் மழையில் நனைந்து கொண்டே படப்பிடிப்பில் பங்குபற்றியதும் மறக்க இயலாத அனுபவம். '' என்றார்.

இந்நிகழ்வில் படத்தின் நாயகியான பார்வதி அருண், உடன் பணியாற்றிய சக நடிகரான வெற்றியைப் பற்றி எந்த விடயத்தையும் பகிர்ந்து கொள்ளவில்லை. இது தொடர்பாக அவரிடம் கேட்டபோது, '' படப்பிடிப்பு தளத்தில் எமக்கு ஏற்பட்ட கசப்பான அனுபவம் காரணமாக... திட்டமிட்டு தான் வெற்றியைப் பற்றி நான் பேசவில்லை.' என பதிலளித்தார்.

முக்கிய செய்திகள்

icon-left
icon-right

தொடர்பான செய்திகள்

news-image

ஏப்ரலில் வெளியாகும் சுந்தர் சி யின்...

2024-03-27 15:40:07
news-image

செயற்கை நுண்ணறிவு தொழில்நுட்பத்தை மையப்படுத்தி உருவாகும்...

2024-03-27 21:28:48
news-image

'குளோபல் ஸ்டார்' ராம்சரண்நடிக்கும் 'கேம் சேஞ்சர்'...

2024-03-27 21:28:27
news-image

எடிசன் விருது விழா : சிறந்த...

2024-03-27 15:25:27
news-image

ஜெயம் ரவி நடிக்கும் 'ஜீனி' திரைப்படத்தின்...

2024-03-26 17:27:01
news-image

மனைவியை ஒருதலையாக காதலிக்கும் கணவனாக விஜய்...

2024-03-26 19:26:29
news-image

தேஜ் சரண்ராஜ் நடிக்கும் 'வல்லவன் வகுத்ததடா'...

2024-03-26 17:10:13
news-image

ரசிகரை நடிகராக்கிய உலகநாயகன்

2024-03-26 16:49:17
news-image

வெற்றிக்காக 'ஜீனி'யாக நடிக்கும் ஜெயம் ரவி

2024-03-25 21:19:56
news-image

'கொல்லுறாளே கொள்ளை அழகுல ஒருத்தி..'

2024-03-25 17:28:41
news-image

மக்கள் செல்வன்' விஜய் சேதுபதி வெளியிட்ட...

2024-03-25 17:29:35
news-image

கல்லூரி மாணவர்களை நம்பிய சந்தானம் படக்...

2024-03-25 17:19:37