தவறவிடாதீர்கள்..!உடனே பதிவு செய்யுங்கள்

மே 9 வன்முறைச் சம்பவங்களின் போது, பொலிஸார், புலனாய்வுப் பிரிவினர், முப்படையினரின் செயற்பாடுகளில், குறைபாடுகள் உள்ளதா என்பதைக் கண்டறிய, முன்னாள் ஜனாதிபதி கோட்டாபய ராஜபக்ஷ நியமித்த ஜனாதிபதி விசாரணைக்குழுவின் அறிக்கை பகிரங்கப்படுத்தப்பட்டிருக்கிறது. முன்னாள் கடற்படைத் தளபதி அட்மிரல் ஒவ் த பிளீட் வசந்த கரன்னகொட தலைமையில், முன்னாள் விமானப்படைத் தளபதி மார்ஷல் ஒவ் எயர்போர்ஸ் ரொஷான் குணதிலக, முன்னாள் இராணுவத் தளபதி ஜெனரல் தயா ரத்நாயக்க ஆகியோரைக் கொண்ட, இந்த விசாரணைக் குழுவின் அறிக்கையின் உள்ளடக்கமும், அதன் பரிந்துரைகளும், பரபரப்பை ஏற்படுத்தியிருக்கின்றன. ஏனென்றால், சம்பவம் இடம்பெற்ற போது இராணுவத் தளபதியாகவும், பாதுகாப்பு அதிகாரிகளின் பதில் பிரதானியாகவும் இருந்த ஜெனரல் சவேந்திர சில்வாவுக்கு எதிராக குற்றச்சாட்டுகளை சுமத்தும் சூழலை ஏற்படுத்தியிருக்கிறது இந்த அறிக்கை.