தவறவிடாதீர்கள்..!உடனே பதிவு செய்யுங்கள்

தமிழர் ஒருவர் சுவிஸ் நாட்டில் தனது மனைவியைக் கத்தியால் குத்திக் கொலை செய்தார் என்ற செய்தி ஏற்படுத்திய பரபரப்பு அடங்குவதற்கு இடையில், இளைஞர் ஒருவர் தன்னைத் தானே எரித்துக் கொண்டு மரணத்தைத் தழுவினார் என்ற செய்தி வெளியாகி இருக்கிறது. இரண்டு சம்பவங்களும் பலர் பாத்திருக்க நடைபெற்றுள்ளன. கொலை நடைபெற்ற 10 நாள் இடைவெளியுள் நடைபெற்ற தற்கொலை என்பது தமிழர் மத்தியில் என்னதான் நடக்கிறது என்ற துயர் மிகுந்த விவாதத்தைத் தோற்றுவித்துள்ளது. அதேவேளை, தற்கொலைக்கான காரணம் எதுவாக இருக்கக் கூடும் என்ற ஊகங்களும் அவரவர்; வசதிக்கு ஏற்ப உலா வருவதையும் அவதானிக்க முடிகின்றது. வழக்கம் போன்று, தமிழ்க் கலாசாரத்தின் காவலர்கள்(?) பழியைப் பெண்களின் மீது சுமத்திவிட்டுக் கடந்து செல்வதையும் அவதானிக்க முடிகின்றது.