தவறவிடாதீர்கள்..!உடனே பதிவு செய்யுங்கள்

(நெவில் அன்தனி)

எகிப்து தேசத்தின் கிஸா அரங்கில் நடைபெறவுள்ள எகிப்து பரா பகிரங்க மேசைப்பந்தாட்டம் போட்டியில் இலங்கையின் நட்சத்திர  பரா மேசைப்பந்தாட்ட வீரர் தினேஷ் தேஷப்ரிய பங்குபற்றவுள்ளார்.

சனிக்கிழமை (25), ஞாயிற்றுக்கிழமை (26) ஆகிய இரண்டு தினங்களில் இப் போட்டி நடைபெறவுள்ளது.

சர்வதேச மேசைப்பந்தாட்ட சம்மேளனத்தினால் ஏற்பாடு செய்யப்பட்டுள்ள இப் போட்டி ITTF Standing Class Nine Championship  என அழைக்கப்படுகிறது.

அப் போட்டியில் பங்குபற்றும் தினேஷின் முகாமையாளராக பிறிகேடியர் டி.கே. அலுதெனிய சென்றுள்ளார்.

இன்ச்சொன் 2014 பரா ஆசிய விளையாட்டு விழாவில் மேசைப்பந்தாட்டம் 10 பிரிவு போட்டியில் வெள்ளிப் பதக்கம் வென்ற தினேஷ், 2019 தாய்லாந்து பரா பகிரங்க மேசைப்பந்தாட்டப் போட்டியில் தங்கப் பதக்கம் வென்றிருந்தார்.

இலங்கையில் தேசிய பராலிம்பிக் குழுவுக்கும் பரா விளையாட்டுக்களுக்கும் பூரண அனுசரணை வழங்கிவரும் டயலொக் ஆசிஆட்டா பிஎல்சி நிறுவனம் தினேஷ் மற்றும் பிறிகேடியர் அலுதெனிய ஆகியோருக்கு அனுசரணை வழங்கியுள்ளது.