தவறவிடாதீர்கள்..!உடனே பதிவு செய்யுங்கள்

காரைதீவு 09 ஆம் பிரிவில் கண்ணகி கிராமத்தை சேர்ந்த 29 வயது இளம் தாய் ஒருவர் ஞாயிற்றுக்கிழமை இரவு வீட்டில் தூக்கில் தொங்கி தற்கொலை செய்துள்ளார்.

இரு பிள்ளைகளின் தாயான கே. கமலரூபிணி என்பவரே கணவனுடன் ஏற்பட்ட தகராறை தொடர்ந்து தூக்கிட்டு உள்ளார்.

உறவினர்கள், அயலவர்கள் இரவு 8 மணியளவில் அவரை மீட்டு காரைதீவு பிரதேச வைத்தியசாலைக்கு கொண்டு சென்றபோது இறந்து விட்டார் என்று வைத்தியர்களால் உறுதிப்படுத்தப்பட்டது. சடலம் சம்மாந்துறை ஆதார வைத்தியசாலையின் பிண அறைக்கு கொண்டு செல்லப்பட்டது. 

சம்மாந்துறை நீதிவானின் அறிவுறுத்தலுக்கு அமைய சாய்ந்தமருது பிரதேச திடீர் மரண விசாரணை அதிகாரி அப்துல் ஹமீத் அல் ஜவாஹீர் மறுநாள் மரண விசாரணை மேற்கொண்டார்.

காரைதீவு பொலிஸ் நிலைய பொலிஸார் சகிதம் இவர் சம்பவ வீட்டுக்கு நேரில் சென்று பார்வையிட்டார். கமலரூபிணியின் தாயார், அயல் வீட்டுக்காரர் ஆகியோரின் வாக்குமூலங்களை பதிவு செய்தார்.

இவருடைய அறிவுறுத்தலுக்கு அமைய சம்மாந்துறை ஆதார வைத்தியசாலையின் சட்ட வைத்திய அதிகாரியால் உடல் கூற்று பரிசோதனை மேற்கொள்ளப்பட்டது.

பதிவு செய்யப்பட்ட வாக்குமூலங்கள், உடல் கூற்று பரிசோதனை அறிக்கை ஆகியவற்றின் பிரகாரம் தூக்கில் தொங்கியதால் கழுத்து இறுகி ஏற்பட்ட மரணம் என்று மரண விசாரணை அதிகாரி தீர்ப்பு வழங்கி உடலத்தை  உறவினர்களிடம் ஒப்படைத்தார்.