தவறவிடாதீர்கள்..!உடனே பதிவு செய்யுங்கள்

ஜனாதிபதியின் கொள்கை விளக்க உரை மீதான விவாதத்தில் உரையாற்றிய கஜேந்திரகுமார் பொன்னம்பலம், 13 ஆவது திருத்தத்தை நாங்கள் மறுக்கின்றோம். ஆனால் இந்திய - இலங்கை ஒப்பந்தத்தை மறுக்கப் போவதில்லை என்று கூறியிருந்தார். ஏனென்றால், இந்திய இலங்கை உடன்பாடு என்பது, இந்தியாவின் நலன்களுடன் தொடர்புடைய விவகாரம். அதனை நிராகரித்தால் அல்லது எதிர்த்தால் இந்தியாவின் நலன்களை எதிர்ப்பதாகி விடும். அதனால் தமிழ்த் தேசிய மக்கள் முன்னணியும் கூட இப்போது இந்தியா விடயத்தில் மதில் மேல் பூனையாக இருக்கவே, விரும்புகிறது. ஆக ஒட்டுமொத்த தமிழ்க் கட்சிகளும் யாழ். கலாசார மைய விவகாரத்தில் இந்தியாவை சமாளிப்பதற்காக, சோரம் போயிருக்கின்றன. தமிழரின் உரித்துகள், உரிமைகள் பறிபோகின்ற நிலையிலும் இந்திய நலனே முக்கியம் என்று கருதும் தலைவர்களால் தமிழர்களுக்கு என்ன பயன்?