தவறவிடாதீர்கள்..!உடனே பதிவு செய்யுங்கள்

(எம்.எம்.சில்வெஸ்டர்)

அவுஸ்தி‍ரேலிய அணிக்கெதிராக தற்போது நடைபெற்றுவரும் 2 ஆவது டெஸ்ட் போட்டியில் தனது 100 ஆவது டெஸ்ட் போட்டியில் விளையாடி வரும் இந்திய வீரரான சேத்தேஸ்வர் புஜாரா ஓட்டம் எதுவும் எடுக்காது பூச்சியத்தல் ஆட்டமிழந்தார்.

இதன்  மூலம் 100 ஆவது டெஸ்ட் போட்டியில் களமிறங்கி பூச்சியத்தில் ஆட்மிழந்த 7 ஆவது சர்வதேச வீரராகவும்  2ஆவது இந்தியராகவும் பதிவானார்.

இதற்கு முன்னர் இந்தியாவின் திலிப் வெங்சர்கர் தனது 100 ஆவது போட்டியில் பூச்சியத்தில் ஆட்டமிழந்துள்ளார்.

இந்த வரிசையில் சர்வதேச அளவில் கோட்னி வோல்ஷ், மார்க் டெய்லர், ஸ்டீபன் பிளேமிங், அலெஸ்டயர் குக், பிரெண்டன் மெக்கலம் ஆகியோர் தங்களது 100 டெஸ்ட் போட்டிகளில் ஓட்டம் எதுவும் எடுக்காமல் பூச்சியத்தில் ஆட்டமிழந்தவர்களாவர்.

டெஸ்ட் அரங்கில் 100 ‍டெஸ்ட் போட்டிகளில் விளையாடிய 74 ஆவது வீரராக இணைந்துகொண்ட சேத்தேஸ்வர் புஜாரா, இந்திய அணியின் 2 ஆவது இன்னிங்ஸில் சதம் அடித்து 100 ஆவது  டெஸ்ட் போட்டியில் சதமடித்த வீரர்கள் வரிசையில் இணைவாரா என்பதை பொறுத்திருந்து பார்ப்போம்.