தவறவிடாதீர்கள்..!உடனே பதிவு செய்யுங்கள்

முச்சக்கர வண்டியொன்று 700 அடி பள்ளத்தில் வீழ்ந்து விபத்திற்குள்ளானதில் இருவர் உயிரிழந்துள்ளதுடன் இருவர் படுகாயமடைந்துள்ளனர்.

தெனியாய - இறக்குவானை பிரதான வீதியின் ஜம்புகஸ்வெட்டிய பகுதியில் குறித்த விபத்து இடம்பெற்றுள்ளது.

இந்த விபத்துச் சம்பவத்தில் முச்சக்கரவண்டியில் பயணித்த இருவர் உயிரிழந்துள்ளதுடன் மேலும் இருவர் காயமடைந்த நிலையில்  சிகிச்சைகளுக்காக வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

இதன்போது 62 வயதுடைய ஆண் ஒருவரும், 61 வயதுடைய பெண் ஒருவருமே உயிரிழந்துள்ளனர். விபத்திற்கு முச்சக்கரவண்டி சாரதியின் கவனக்குறைவே காரணம் என பொலிஸார் குறிப்பிடுகின்றனர்.

விபத்துச் சம்பவம் குறித்த மேலதிக விசாரணைகளை பொலிஸார் முன்னெடுத்து வருகின்றனர்.